郭晉安以和為貴 唔覺祖藍搶戲

郭晉安和王祖藍等昨為劇集《老表，你好嘢！》宣傳，對於早前有指安仔不滿兼任編劇的祖藍不停改劇本和祖藍角色搶掉男主角戲份，安仔受訪時力撐祖藍說：「細細粒同陳明恩係新人，佢哋嘅角色係要突出啲，而我哋係靠演技去令觀眾有共鳴，各人戲份好平均，套劇收視好都係靠所有演員同台前幕後嘅功勞。」

嫌50點收視過高

同場的萬綺雯亦表示《老》劇出街反應好是意料之內，問現年42歲的萬綺雯在劇中的學生妹造型播出後獲觀眾大讚清純可愛，是否也是意料中事時，她有點不好意思說：「呢個唔係意料之內，我自己都有啲唔敢睇。不過我朋友打嚟話好好，我之後再上網第一次用MyTV睇番嗰集。」在旁的安仔即搞笑說十分有童年回憶：「如果你（萬綺雯）當年拍嗰個廣告一定紅過嗰個女仔。」

郭晉安與萬綺雯在台上玩攬攬，毫無尷尬。	岑麗香人氣高企，昨日在現場大受歡迎。	朱咪咪（中）在台上寫揮春，祝大家「一柱擎天」，認真搞笑。

王祖藍亦大爆各人都十分緊張此劇的收視，問他會否再為公司做編劇？他稱暫時未有這計劃，至於女友李亞男曾露口風稱此劇如有50點就會立即結婚，祖藍一聽就立即大叫：「50點？咁咪500幾萬觀眾（實際數字321萬）唔出街睇電視？冇可能。」而席上祖藍問林盛斌與湯盈盈的床戲是否已播？朱咪咪搶說：「夠膽就同我上，呢排天氣濕，我可以驅風去濕除寒痰。」

拍《食為奴》再聚

《老》劇監製黃偉聲亦將開拍新劇《食為奴》，他表示有很多參與《老》劇的演員將在《食》劇中擔任要角：「林盛斌、王祖藍都會拍，鍾嘉欣因為請假兩個月返加拿大，所以搵咗萬綺雯，吳卓羲又唔得閒，由張繼聰代替，之前林峯辭演咗皇帝，我搵咗黃智賢代替。」

文：影視組