陳國邦順番晒 讚無綫反應快

藝人陳國邦昨日偕太太羅敏莊(Mimi)及黃浩然出席「公共屋邨歲晚清潔大行動」活動,提到Mimi為年尾約滿的老公發聲,指他未獲無綫重用傾續約,陳國邦昨謂:「公司睇完報道後都好快行動,前日主動搵我傾緊之後嘅合約。(有好條件?)我重視發展機會,就算畀好多錢,但冇嘢做都係浪費時間。」

對於前無綫藝員夏雨及苑瓊丹斥無綫苛刻兼吝嗇,陳國邦稱:「區生(無綫高層區偉林)都有公開講有番花紅,仲話畀啲時間公司慢慢改善。我都睇到有進步,好似還騷問題,聽講如果演員唔係退工作而欠騷就唔使佢負擔。」他又透露Mimi八月約滿後因不續約而無須還騷,目前太太亦全力工作,未有欠騷問題。