徐子珊唔信林峯絕唱
林峯好友徐子珊昨日出席有份配音的動畫電影首映時，表示因要拍劇而未能出席林峯演唱會：「我都好想睇！咁啱呢三日都要拍到凌晨！（林峯話唔會再開演唱會！）我唔信！佢講笑啫，最多係轉地方，唔再喺紅館開，唔會唔開嘅！」
子珊已是第4次為此系列動畫電影配音，問到有否加酬勞，她笑到見牙唔眼說：「加少少！希望唔好加太多，咁就仲有合作機會！」至於久未露面的李逸朗是次為電影獻唱主題曲，他透露現長期留在北京工作，一年收入高達7位數！仍是單身的他稱與內地女生因文化差異大，未能結下中港緣，更笑言：「屋企人有懷疑過我係同性戀，但之後佢哋都知唔係。」
