周家蔚大肚抵錫　湯盈盈驚B女頭大

Janet昨日在微博上載與老公洪天明合照，相中的她不但展示巨肚，天明更錫老婆肚皮，恩愛爆燈。即將為母的Janet既緊張又興奮，她在微博留言：「等待後天（28日）的來臨！好開心！終於等到了！」網友亦紛紛送上祝福。愛情結晶品「TJ」的預產期原於二月初，但她與天明決定擇日於本月28日開刀分娩，趕生龍B。

而懷孕33周的湯盈盈昨日出席活動宣傳劇集，她透露已為B女取名：「中文名嘉樂諗，未Confirm住，英文名係我諗，A字頭嘅，出世先講。」她續稱：「預產期3月中，我想順產，但未決定，因為嘉樂頭大，驚BB都似佢頭大。唔知使唔使開刀，好彩我佗得唔辛苦，冇嘔冇背脊痛，好Lucky。」

天明輕吻老婆肚皮。

湯盈盈希望順產。

盈盈又稱現時有做大肚瑜伽，並自嘲大腿很粗：「不過係肌肉，唔係脂肪。」