歌手林德信（Alex）昨日出席玻璃樽回收活動，身為活動大使的他即場分享回收心得：「我喺美國住嘅時候，會買水返屋企飲，每次去做gym嘅時候，都會順便拎啲樽去回收。」Alex又透露自己正努力為父親林子祥的演唱會綵排，他表示：「我到時會做嘉賓，唱六首歌，邊彈邊唱，又會同爸爸合唱最近一齊拍嗰首廣告歌。」
問到綵排時爸爸可有「金石良言」？Alex笑說：「我哋首合唱歌唔易唱，佢有教我用氣。」又問在頒獎禮上成績理想，爸爸可有祝賀？他說：「佢未知，不過我想請同事飲番杯，慶祝吓！」
