林峯票贏阿Sa掀罵戰
林峯前晚在十大中文金曲奪兩獎，其中贏得「微博給力歌手」獎，卻惹來林峯和蔡卓妍（Sa）兩批Fans在微博掀起罵戰，更有讀者爆料指阿Sa票數一直領先，但截票前兩分鐘林峯票數激增一萬票，有歌迷更寸阿Sa未夠班。
頒獎禮結束，林峯和阿Sa出席慶功宴，對於林峯「洗票式」勝出。阿Sa大呼：「林峯Fans好勁。」對兩分鐘激增一萬票，林峯則言：「邊有咁誇張，個Server都冧啦！（人地Server好勁，你估無綫咩？）係，對唔住講錯。」被歌迷指未夠班的阿Sa則大方說：「唔會唔開心，可能唔係我哋嘅Fans，有好多嘢我哋控制唔到。」雖然兩人堅稱大家的Fans很冷靜，但昨日兩派歌迷依然互罵不止。