阿嬌認同居男友任出入

歌手鍾欣桐（阿嬌）昨日31歲生日，前晚在十大中文金曲頒獎禮結束後，英皇特別舉行慶功宴兼送上生日蛋糕慶祝壽星女阿嬌生日，但阿嬌只逗留片刻就速速鬆人，歸心似箭的她趕着回家與韓籍男友K先生共度兩人拍拖後首個生日。

而一向口密的阿嬌，可能人逢喜事精神爽，竟自爆男友送了全球限量只有五個的手袋做禮物，不過阿嬌表示她並不看重價錢，而對於早前被拍到男友在她香閨出入，阿嬌更大方默認「同居」：「佢喺香港都冇屋企。」

阿嬌（前排右二）與一眾歌手出席慶功宴，順道慶祝生日。

大贏家的祖兒表示會做好本分繼續參與頒獎禮。

仍未準備嫁人

問到有否想過男友會在家中布置地下為她帶來驚喜？阿嬌笑說：「冇可能，佢冇咁浪漫（生日願望嫁人？）唔係，都未ready。」在場記者吩咐阿嬌記得留意屋企有沒有布置，並將相片擺上微博，阿嬌一口答應，結果鬼馬的阿嬌兌現承諾，在微博上放上一張空白地板相片兼留言：「都話冇驚喜o架啦！」

祖兒接受失敗

另外，天后容祖兒（Joey）最終以13.5個獎成為四台頒獎禮大贏家，她表示會繼續參與，做好自己本分：「我冇計算勝利，但落得場就要努力唱歌，我真係冇諗過攞到幾時呢個問題，但我知自己會有輸嘅一日，但都會繼續唱落去直到大家唔要我先走囉，接受失敗都係一種勇氣。」

文：音樂組