黎耀祥救美 混戰爆嘴
黎耀祥、伍詠薇、鄧健泓（Patrick）前晚為新劇《傳愛事務所》在觀塘拍攝圍毆戲。Patrick和伍姑娘在暗巷被四、五名大漢圍毆，Patrick即發揮男兒本色，拖住伍姑娘喪跑，期間Patrick多次被倒下的膠箱撞到腳。之後祥仔出現英雄救美，起腳教訓歹徒後，帶領二人逃走。混亂間祥仔更疑似被打傷嘴角，但他事後表示無受傷。而伍姑娘就受到優待，掌摑戲可以借位完成。
警方到場了解
拍到凌晨1點，祥仔更有3名女粉絲帶同熱飲探班，非常貼心。拍攝時是夜闌人靜，未知是否劇組聲音大，遭附近居民報警投訴，有兩名警察到場了解，但之後都如常拍攝！
近日無綫劇意識愈來愈大膽和重口味，問到《傳》劇會否同樣有激烈的戲份，祥仔表示：「我冇喎，監製想用演技和古仔感動觀眾！」伍姑娘就指劇情輕鬆真實，問到會否拒絕接拍性感場面時，她搞笑謂：「我一向唔拒絕性感！直情welcome！」
而整親腳的Patrick就笑言自己捱慣：「之前拍劇仲試過碌落樓梯！TVB嘅crew好專業，唔會有事！」
文：影視組