Baby靠自己 買3千萬豪宅
2013年每人都有一個新目標，貴為吸金名模的Angelababy專心吸金，希望新一年買三千萬豪宅。當提起緋聞男友曉明都非常口密，但就指覺得對方的蜈蚣腳相當恐怖。
Angelababy昨日出席開幕禮，把自己開設的美甲店引進到美容公司，她更親自設計甲式，希望新一年可以密密做吸金，更笑言因2012年諗住有世界末日，不諗置業，所以2013年要密密做，希望買三千萬樓，她說：「我諗住買2000呎樓，睇好香港樓市。（急住買樓結婚？）唔係。（距離三千萬差幾多？）都要努力吓。」
寧願要事業
提到要密密做而沒有時間拍拖？她直言自己寧可要事業，也不要自己後悔，希望將來結婚後都能夠努力工作。問到有否照顧最近腳傷的黃曉明？她表示都有很多人照顧他：「我睇相覺得佢隻蜈蚣腳幾恐怖，不過呢隻蜈蚣就唔識咬人，唔識郁。（有冇見佢？）唔方便講。（有冇喊？）我個人唔係多愁善感嘅人，人生有好多傷痛，痛得有價值都會開心，意外冇人想，但意外可以換到收穫都好。」
曉明快復工
雖然不提感情事，但提起曉明Baby明顯甜到入心，問到曉明何時復工？她直言好快，更讚對方好搏，她說：「佢好快開工。（但佢仲未好番？）唔得都要得啦，有時候工作都要做，我以前都有整傷腳，都傷住開工。」
文：名人組