藝人許紹雄昨日接受電台訪問，講到無綫人工偏低，他謂：「以前兩蚊一斤菜，依家出面係十幾蚊一斤，根本唔係貴，人哋跟住市場走，佢冇跟就話人哋貴。」身為無綫人的他亦支持發電視牌照，更大讚香港電視的王維基：「老實講呢行嘅救世者係王維基，佢將一潭死水整翻生，佢犧牲小我完成大我，好欣賞佢。」他坦言現在無綫少了當年的凝聚力及歸屬感，台前幕後員工是幫公司搵綫，但無綫卻忽略了他們。
