莊思敏撐唯唯片酬愈加愈貴
莊思敏昨日出席化妝品活動，即場卸妝以素顏示人，有指梁烈唯（唯唯）因黃浩事件，令原本有意簽唯唯拍十部電影的王晶，改為逐部簽，曾與唯唯合作電影的莊思敏對此表示：「以我認識晶哥嘅為人，希望佢唔會因為呢啲事影響，佢欣唔欣賞一個藝人緊要啲。（唯唯話損失七位數。）逐部簽可能仲好，有機會加價，我覺得唯唯會愈嚟愈貴。」
娜姐谷胸示範洗面
同場的周秀娜則谷胸上陣，當她俯身示範落妝洗面時，波濤洶湧。雖然她大騷三吋事業線，不過咪咪似乎略為縮水，她笑言：「我今日示範洗面，好多水。其實係firm咗，因為我一星期有幾日上功夫堂。」之後她再度搞爛gag說：「因為我忙住出『書』，所以（身材）『輸』咗，成個人縮咗水。」娜姐稱書中圖文並茂，並到澳洲取景，問到有否三點式時？她說：「今次犀利啲，有樹熊同袋鼠，我借咗袋鼠個袋，佢彈吓彈吓，我就chok吓chok吓。有草原裝，我同啲動物都好奔放。」並謂會大爆電影拍檔的秘密。
