梁烈唯索償 反告黃浩

無綫藝人梁烈唯去年12月就「掌摑事件」發表意見後，未幾黃浩發律師信要求唯唯就事件道歉，不過唯唯未有理會，後來黃浩便把行動升級，入稟法院控告唯唯誹謗。雖然官司還未開始，但有指王晶為免唯唯情緒受影響，原定有意簽他10部片約，最後亦只暫簽1部，令其白白損失7位數酬勞，唯唯經與律師商討下，已於昨日入稟法院反控告黃浩，因唯唯被控誹謗導致有關損失而要求索償，對於反告黃浩，唯唯昨日接受訪問時亦坦言承認，他謂：「今次係自己同律師商討後嘅做法，不過件事進入咗司法程序，唔可以講太多，但都好多謝一直關心我嘅朋友。（行動係公司建議？）係自己同律師商討下決定。」

公司好友力撐

無綫方面亦對唯唯行動大表支持，高層樂易玲表示：「公司絕對支持旗下每位藝人，唯唯因為呢件事影響，冇咗工作導致失去一舊錢，係會好肉赤，所以如果佢真係需要律師費，公司會盡量安排工作畀佢籌錢打官司。」唯唯經理人亦謂：「我哋一直如常幫唯唯接工作，損失幾多唔係一時三刻計到，係好長遠嘅事。」

司機駕駛黃浩座駕，接載黃母，保鏢亦在車上。

黃智雯對唯唯的所有行動均表支持。

而身為好友的黃智雯，昨聞得唯唯有所行動亦表支持：「希望件事快啲完結，唔好影響佢嘅情緒同工作啦！」視唯唯為細佬的洪天明則謂：「佢個人好乖，當然會撐佢，雖然唔係好知道件事詳情，不過公道自在人心。」至於苗僑偉就謂：「當然支持啦！不過進入司法程序就唔方便講太多。」 而律師黃國桐亦認為，可反告對方誣衊所蒙受之損失。

黃浩座駕撞車

此外，黃浩的七人車，昨晚約八時於吐露港發生交通意外，與一輛貨車碰撞，七人車車頭右面被刮花。現場所見，車內有黃浩母親及友人，保鏢則坐於車頭位置，及後司機下車打電話時，被記者追問意外經過，他只說：「輕微碰撞，冇咩事，依家等緊警察嚟。」對於發生交通意外，黃浩昨晚回覆本報，表示母親沒事，多謝關心。

文：影視組