徐子淇被老爺揶揄中文差

恒基地產主席李兆基（四叔）於2007年捐贈5億元支持香港大學發展及成立獎學金，昨日港大在「李兆基會議中心」舉行銘謝禮，兒子李家誠與新抱徐子淇拍拖到場支持，徐子淇父母、李兆基女兒李佩雯及外孫李健中、才女林燕妮等也有現身。

18月大囝囝學騎馬

子淇大讚校園又大又靚，勾起她在英國讀書時的校園回憶，她說：「以前讀大學，有同學住好遠，又住唔到宿舍，臨考試時會喺圖書館瞓睡袋，我比較幸福，冇試過，但成日行爛鞋，媽咪都問點解咁陰公？因為英國搭的士好貴，每跳一次錶我個心就跟住跳，搭地鐵又驚治安唔好，回想讀書時期都有少少辛苦。」待子女長大後，問她會否重返校園？她坦言會：「爸爸58歲取得PhD（博士學位），佢教我要終身學習，佢係我榜樣。」又自爆昨日與老爺同車到現場，老爺給她看中文講稿，她竟發現有很多字不認識，結果被老爺笑着責備：「乜你中文咁渣o架？」令她想要進修中文。

遭老爺李兆基（右）指中文差，令子淇生起進修中文的念頭。

林燕妮看來精神奕奕。

而剛過去的除夕夜，她們一家五口去了美國倒數，18個月大的囝囝還在當地學騎BB馬，雖然囝囝尚年幼，但她未有太擔心：「我唔驚，我5歲就學，男仔跌吓唔驚，勇敢啲。」又謂不知道囝囝喜不喜歡騎馬，但就全程笑晒口，是個Happy Baby。

徐子淇父母現身支持親家。

四叔外孫李健中亦前來捧場。

林燕妮怕被劏急搬

林燕妮就透露近日忙於搬家，會由西半山搬到東區，原因是入住西半山後，入院次數太多，三、四年間不停做手術開刀，她說：「與其成日畀人劏，不如自己搬。」但就不會找風水師睇風水，覺得運到的話，住哪裏都會行運。見她精神不俗，她指早前看皮膚科醫生，怎料醫生開的藥，反令她治好了失眠。

文：名人組