As One反傳統跳到標血

由黃柏高（Paco）及郭富城御用排舞師Sunny Wong一手提拔的女子跳唱組合As One，出道雖然只有半年，但四女可愛的形象深入民心，回顧過往一年，成員Nata深感「學海無涯」，她說：「除咗要做好跳舞工作，仲要學習點面對公眾，喺未體會到成果之前都要繼續努力！」

Shin喜愛浮誇

踏入2013年，四女都有不少的突破，當中新曲《Red Hot Hits 2013》的MV更一改傳統，轉以型格路線示人。四女換上緊身制服，連續跳十幾粒鐘，成員Elfa更大玩「變戲髮」，以狂野髮型示人，搏到盡的她大爆自己跳到「見紅」，她說：「希望我個新髮型可以畀到大家耳目一新嘅感覺，不過綵排嘅時候唔小心整損咗隻腳，開頭淨係feel到隻腳涼浸浸，點知一睇原來標晒血！嚇死我呀。」而Shin表示一見自己個新Look就當場大叫：「我好鍾意呢個造型呀！平日都唔會咁誇張，雖然唔係好慣，但真係好正！」

Elfa跳得太過火，隻腳標晒血！

As One將會到韓國及美國交流。

將到韓美交流

談到新年願望，四女透露即將推出首張專輯，希望粉絲們會Like爆之餘，可以有更多人認識As One，而Nata就指出她們獲Paco送上厚禮，她說：「嚟緊公司會送我哋去韓國及美國，同唔同嘅跳舞團體交流，呢個機會真係好難得o架！」在旁的Oli亦補充說：「近年樂壇都有唔少女子跳唱組合，希望大家一齊努力，等多啲人留意大家，令到樂壇可以百花齊放啦！」

文、攝：音樂組

髮型：Linfa＠II Colpo，Mad＠II Colpo

服裝：Bread＆Butter

場地：沙田新城市廣場