陳松伶借喻企鵝唔Dry得

早已移居北京的松松，已甚少在港露面，不過松松也惦掛香港的親友，每隔一段時間她總會返港一行，可能因長居北京，松松承認對香港的天氣開始難適應，她笑說：「我好似一隻企鵝，香港真係好熱，我好怕香港濕熱嘅天氣，一去到冇冷氣嘅地方我就唔掂啦，要飲冰水急救。」

依然喜歡唱歌

近年已好少踏舞台唱歌的松松，早前更趁熱鬧推出了一張發燒碟，她說：「對唱歌始終有份鍾愛，有得唱我都會唱。」早前她更專程返港舉行了一個迷你簽唱會，吸引了一批忠實粉絲捧場，他們各自帶着小禮物來，她笑說：「我同粉絲就好似舊朋友咁，見到面真係好開心，我同佢哋一齊成長，睇住佢哋拍拖結婚，有啲生埋BB，雖然我唔係成日返港，但佢哋對我嘅支持，我真係好感動。」

松松為忠實粉絲簽名。

長居北京的松松甚少在港露面。

粉絲神通廣大

松松笑言粉絲對她的一舉一動都好留意，就像神探般神通廣大，她笑說：「佢哋知道晒我啲嘢，甚至珍藏咗我以前一啲唱片，有啲我都冇咗，佢哋真係犀利過神探，我有啲嘢要搵，我一定搵佢地幫手。」婚後的松松，每次談到老公張鐸，臉上總掛着甜絲絲的笑容，兩人還不時在微博傳情，松松希望將自己的幸福跟大家一齊分享。

文：音樂組