王君馨螢幕初吻唔益天華

無綫藝人王君馨自2007年參選港姐奪亞軍後加入娛樂圈，由最初演出綜藝節目，到近年轉戰拍劇，最近，君馨更在新劇《法網狙擊》中扮演一名樣靚學歷高的單純女孩子，並與謝天華有感情線。不過面對如此思想簡單的角色，君馨反而感到不慣：「我係一個鍾意諗深奧嘢嘅人，所以愈簡單嘅角色愈做唔到，好彩有天華呢個好阿哥開解我同幫我，才不致太緊張！」

刪剪kiss戲

不過提到拍攝此劇的難忘事，君馨笑言本來將奉獻其螢幕初吻予謝天華，惟該場吻戲卻因她向導演說了一些感性話後而被刪剪，她說：「記得有場戲係講天華帶我去睇流星雨，本來情到濃時同佢有一場kiss戲，我同導演講『多謝你安排咗場咁浪漫嘅戲畀我，呢個係我嘅螢幕初吻！』跟住導演話『吓！竟然咁益個衰仔？』跟住佢就刪咗場kiss戲！所以我到目前為止嘅螢幕初吻仲未失守o架，哈哈！」

謝天華	不懂中文的王君馨自言作了一首中文歌，她笑言這是神迹。

竟寫中文歌

此外，君馨又透露最近作了一首歌，她說：「我唔識中文，但竟然寫到一首中文歌！本身寫咗一首英文歌，但經網上翻譯成中文後，仲係押韻添，你話係咪好感動？希望未來嘅日子可以嘗試製作MV同作多啲歌。」

文：專案組

攝影：秦健輝

服裝、場地：Amen Papa

髮型：Mo@HH

化妝：Pheobe