鍾一憲食完大蒜送抱
麥貝夷（Karene）和鍾一憲日前出席活動，Karene大派禮物給同場的歌手朋友，她說：「我買咗啲朱古力、糖同埋餅乾送畀佢哋。（唔自己整？）我係地獄廚神，試過整芝士蛋糕畀前男友，點知我將糖同魚膠粉撈亂，魚膠粉仲要落咗Double分量，搞到個蛋糕冇味兼彈牙。」她又稱曾煮羊肉給父母食，結果令兩老肚屙！
Karene的驚人手藝未有嚇怕鍾一憲：「雖然我未食過佢整嘅嘢，但係唔會唔敢食，因為我係食物焚化爐！」他又表示準備上街提供「免費抱抱」：「我一路都想玩Free hug，仲會特登食完大蒜先去！同埋依家做咗藝人方便啲，啲人認得我，如果唔係以為我變態。」