Celia K.瘋狂美胸 捱凍晒料
o靚模郭穎兒貪靚到極點，早前擔任美容院代言人的她為身形再fit點喪做美胸療程，如中了「美容毒」，她笑言為展露成果不怕捱凍keep住騷身材，愛靚唔愛命。
陳靜師妹郭穎兒（Celia K.）今年密密做搵銀，早前更首次擔任美容院代言人，收入不錯外，極之貪靚的她又可乘機做facial保養一下。雖然忙到無時間抖，但Celia K.表示每有空檔都會踩上美容院，笑言中了「美容毒」，她笑說︰「以前都冇咁貪靚，不過依家可以免費做facial同做纖體機，而且要keep住個狀態，所以我有時間都會去美容院，去嘅次數仲密過約朋友食飯。」
望上圍升cup
除了護膚，還有健胸，Celia K.自爆經常到美容院喪做美胸療程，她笑言要胸形變得更挺外，也希望上圍可藉此升cup，她說︰「係女仔都想個胸靚啲，依家上圍都大咗少少，自己都好滿意。」雖然正直寒冬，但Celia K.為晒成果「愛靚唔愛命」，她無懼嚴寒去到邊都騷身材，她說︰「雖然天氣好凍，但唔介意着得性感，最緊要出到嚟係靚，唔好睇我咁瘦弱，其實都幾捱得凍。」
詐型dry到爆
提到把身材keep得更fit後，可有更多追求者？Celia K.則詐型dry到爆，她說︰「都冇乜特別，平時忙工作，冇乜追求者埋身，希望之後會有艷遇啦。」
採訪︰專案組
攝影︰吳文聰
場地︰B&F Medi Center