鄺祖德批評媒體欠合作性
歌手鄺祖德（Enrico）早前於新城頒獎禮勇奪「原創歌曲金獎」及「原創歌手」兩個大獎，Enrico稱首次得到歌曲金獎感到十分驚喜，算是對自己努力的一個肯定。
談到近日樂壇頒獎禮是非多多，Enrico批評媒體各自為政：「樂壇有好多好歌，要經幾個媒體合力播先會hit，依家咁分化係整死樂壇。好似我同新城關係友好，其他台就唔搵我，當我透明，好亂好分化。」對於有傳無綫有意拉攏3個電台合辦頒獎禮，他大潑冷水：「我諗一定做唔到，大家都做緊自己嘢，好難work，各有自己想捧嘅artist。」