林二汶盧凱彤兩年後合體
歌手盧凱彤（Ellen）及林二汶日前同台出席活動，曾組成組合at17的二人久未合體，她們異口同聲表示想念從前做拍檔的日子，問到何時會復合？二汶表示可能兩年後，因想彼此先做出好成績，而Ellen表示：「本來去年復合，但見二汶出碟成績都唔錯，唔好打斷，大家分開做多陣先，到時如果合體都會三線發展，除咗at17外，我同二汶都會繼續做好solo工作。」二汶謂雖然與Ellen分開工作，但私下經常聯絡及傾偈：「我哋成日見面，講下近況同做得開唔開心。」
踏入新一年，Ellen謂希望今年可於超過400人的場地開騷，而二汶就希望能做好監製的工作，及出國見識。