連詩雅捧蛋自責：欠咗柏豪
於叱咤樂壇頒獎禮捧蛋的連詩雅，昨日出席活動時，坦言對賽果有少少失望：「主要係師兄（周柏豪）寫咗首好好嘅歌畀我，我演繹得唔係咁好。佢有鼓勵我今年再努力，會再寫歌畀我；我反而戥佢唔抵，覺得有啲虧欠咗佢。」不過，她不認為叱咤屬小圈子頒獎禮，並謂有份參與已感到十分開心。
提到有傳森美愛影女藝人美腿，曾與森美合作的她笑言不介意被拍，但對方沒有影過她。同場的鍾浠文談到與周柏豪在個唱上咀足三場，她說：「頭一、兩場都有緊張，到尾場大家先放鬆啲。（濕吻？）乾o架。（唔怕柏豪女友眼火爆？）我無見過佢女友，佢做呢行，如果做佢女友EQ都要好高，柏豪應該會解釋畀女友知。」