香香怕分心唔急組band
「宅男女神」岑麗香（香香）昨日首次到電台接受訪問，對於另一女神茍芸慧提議組「處女Band」，香香表示有興趣：「細個睇Spice Girls都有幻想過5個女仔夾band，不過想專心拍劇先，我係唔可以分心嗰啲人。」問到會否怕被標籤為「處女」，她說：「玩嘅啫，只係講呢個band，可能會不停邀請人加入，到最後變咗做choir（合唱團）！」
近日無綫多套劇集均有強姦戲份，她坦言未知自己敢唔敢拍：「未諗到呢步喎，拍呢啲戲好敏感，要預備一個好pro（專業）嘅心態。（怕破壞女神形象？）不嬲都唔覺自己係，我擔唔起！」