梁烈唯獲無線「超級高層」撐行
陳百祥（阿叻）前日揚言力撐梁烈唯，願意借錢全力支持他打官司以討回公道，昨日阿叻更表示無綫上下一心，百分百支持唯唯。據知，有位無綫「超級高層」為該事而震怒！而黃浩昨日與太太徐淑敏外出時就繼續封口，徐淑敏更頭耷耷直行直過。
無綫藝人梁烈唯（唯唯）早前遭黃浩入稟控告誹謗，前日阿叻表明會力撐唯唯，不諱言有錢出錢，有力出力，令唯唯感到人間有情。除了阿叻外，無綫更上下一心，在法律上100％支持唯唯。
昨日，阿叻接受電話訪問時，坦言無綫集團總經理李寶安、高層樂易玲都得悉此事，阿叻說：「藝人冇話分大細，李寶安同樂易玲都好認同我嘅睇法，而且100％支持。（無綫無限量支持？）無綫嘅律師幫唯唯搞緊，如果要打（官司）咪即管嚟囉！大家點都會撐佢。」據知，有位無綫「超級高層」力撐唯唯，阿叻未有否認說：「即係上面都好嬲啦！（嗰個係老闆陳國強？）我唔可以講係邊個，啲細嘅唔識，就以為佢（黃浩）好有把炮，我又睇唔到佢有乜咁把炮，最緊要係講道理，（上面嗰個好嬲？）梗係唔開心啦，我哋同志偉全部都係TVB人，咁樣搞我哋。」
人生苦短當經驗
至於唯唯前晚在慰勞宴中，被問到是否有電影公司負責人，為他出聲而感到鬆一口氣時，唯唯直言公道自在人心，自己仍在學習當中，當上了一課，寄望新一年有新開始，他謂：「人生短短幾十年，冇乜嘢可以放唔低，最緊要大家心平氣和、和和諧諧。」此外，黃浩昨日下午兩時多，由大埔寓所出發到科學園，同行還有太太徐淑敏及黑人保鏢，黃浩下車後，問到阿叻聲言願意借錢給唯唯協助他打官司，以及有電影公司負責人大事批評，指他不是于莉表弟等問題，他都耍手擰頭不作回應，再問他會否控告對方？他依然沒有回應，徐淑敏更全程頭耷耷避鏡頭。其座駕再駛到觀塘，已見不到黃浩的蹤影。
有責任保護藝人
李寶安昨日接受電話訪問時，表示旗下藝人如遇到麻煩，公司有責任要保護及支持，問到是否唯唯向無綫求助？李寶安說：「保護藝人係無綫嘅公司政策，我只係透過藝員部同事知道佢有麻煩事，梁烈唯唔需要自己出聲求助，我哋都有責任去幫助佢。」據知今日無綫將會就此事召開高層會議。
文：影視組