莊思明愛情護航 禁男友名曝光

前港姐莊思明(Lisa)與德越混血男友一直甜蜜恩愛,經常被拍得糖黐豆,前晚除夕夜二人現身中環參加派對,其男友一見記者即迴避鏡頭,Lisa即溫柔地叫記者不要嚇壞他。記者希望Lisa介紹對方給傳媒認識,不過她表示想保護男友而婉拒。

前晚除夕夜,莊思明(Lisa)與德越混血男友和一眾友人假中環餐廳SEVVA參加除夕派對,Lisa與男友拍拖近半年以來,雖然經常被拍得糖黐豆,但前晚一見記者其男友即避開鏡頭。Lisa大方讓記者拍照,但男友卻不顧女友與友人前往升降機等候處,迴避與女友合照。記者問Lisa男友在哪?她即指着男友說:「呢個,哎呀!唔好咁啦,你哋唔好嚇親佢,唔好嚇親佢!」直到倒數完畢,男友一馬當先離開,剩下Lisa獨自面對記者,問到如何稱呼男友?Lisa說:「我特登唔講,想保護佢。大家Happy New Year(新年快樂)!」

吳君如撇囡囡

而吳君如與陳可辛拖手現身,問為何不帶女兒陳是知一同出席?君如說:「佢都捱唔到咁夜,我安撫咗佢至出嚟。」她透露昨天元旦答應囡囡吃自助餐慶祝。同場的郭志怡則表示新年大計是再開西餅店。

伍姑娘少拍戲

另外,伍詠薇(伍姑娘)與老公練海棠拍拖出席,伍姑娘表示新年願望是開心、健康:「我今年拍兩套戲,希望出年(2013年)唔使拍咁多,放多啲時間喺生意上。」問會否催好友陳敏之結婚?她笑言:「我第一日識佢已經催佢結婚,不過佢有個好固定嘅男友,個性好好,我唔擔心。」

文:名人組