梁烈唯新年願望遠離衰嘢
藝人胡杏兒、梁烈唯、胡定欣等前晚在尖沙咀出席大型除夕倒數活動，杏兒透露因天氣太冷而病倒：「我屋企啲貓全部都病晒，所以新年願望係身體健康。（新年期待新感情？）隨緣啦，想女仔啲先。（成日飛嚟飛去，接受異地戀？）盡量唔好分太遠，太遠會好慘。」之後她拍照時突然掉下淚水，她解釋是大風吹所致，而非觸景傷情。
而日前被黃浩入稟控告誹謗的梁烈唯表示：「件事交畀律師處理，唔方便作任何評論。（仲有冇蝗蟲撞去你屋企？）冇啦，最近冇時間抹窗。」談到新年願望，唯唯說：「希望新一年可以遠離所有唔好嘅嘢，社會和諧同大家身體健康。」
另外，胡定欣被問到前男友吳浩康表示若她奪無綫「最佳女配角」獎便會請吃飯，定欣說：「未食，但有通電話，好多謝佢恭喜我，希望佢2013年繼續努力。」