超盈林愛兒 共渡除夕驚動警方

何超盈與家人及林建岳細女林愛兒一同倒數迎新年，共度除夕夜。超盈和密友林愛兒於場內齊齊歎香檳，踏入12點超盈更情緒高漲地不停和親友們碰杯。踏入新一年後，超盈和林愛兒隨即相約林愛兒家姐林心兒、Moiselle太子爺陳柏熹等轉場到蘭桂坊再蒲。

扁嘴抹眼超委屈

凌晨2時多，一行人開開心心地到位於中環的夜店消遣，及至3時許，現場忽然有人報警求助，未幾見林愛兒步出疑似助查，混亂間有男子向她大嗌：「開心大晒咩！」只見林愛兒不忿地取出手機拍下對方樣貌，期間一名大隻佬從中勸交，未幾超盈、林心兒及陳柏熹亦敗興地由夜店步出，各人在旁不停打電話，當中林心兒更激動落淚，超盈則面露不悅，並行近林愛兒，親密地抱住其頭部於其耳邊密密斟，情況非常混亂。

林愛兒與超盈在酒店場內向不同賓客舉杯，情緒高漲。

林愛兒拿出手機反拍，現場有「和事老」叫她不要影相，而右邊男士則大嗌：「開心大晒咩！」

經警察調停後，事件似是告一段落。超盈一行人轉往酒店大堂，只見超盈身邊火速有保鏢出現，陪同他們轉往數街之隔等車。候車期間，超盈繼續向林愛兒「訓話」，只見林愛兒扁嘴兼抹眼，似受委屈落淚，記者趁機上前向超盈了解，她說：「我唔知咩事，唔關我哋事，蘭桂坊成日都好多呢啲事。」

攬腰護花 林愛兒扶住超盈纖腰，超盈的保鏢則站在右邊護駕。	與警同場	抱頭訓話

被指罵手機反拍

記者昨日再致電超盈問到為何報警，她說：「其實唔係我哋報警，隔籬枱好似有人搞事，經理就叫我哋走先，當時好多人，又黑又亂，大家咪call司機囉。（林心兒做咩喊？）佢驚得滯所以喊，佢好細膽。」超盈承認因報警事件提早離開，至於林愛兒於場外被人指罵，超盈說：「我唔知呀！可能嗰句未必係話我哋呢。（愛兒有用手機反拍佢哋喎？）可能佢影低現場環境啫，其實當時警察都有問我哋知唔知發生咩事。（你係咪鬧愛兒？）佢好好心，警察問佢咪答，我話佢都唔知人哋發生咩事，唔好講咁多，同埋心兒都好想返屋企。」同行的陳柏熹亦表示夜店經理見有碰撞便叫他們先行離去，他承認心兒有喊，只因當時場面混亂，警方亦無落案。

林愛兒與超盈在一旁愈說愈激動，更一度抹眼。	姐姐林心兒則嚇得當場狂哭。	超盈離開時與友人被記者追訪，當時拒絕透露詳情。
放大圖片

文、攝：追蹤組