Mandy Lieu瞄準三千呎大屋
名模Mandy Lieu早前自資拍攝旅遊節目，最近已成功出售給一間電視台播放，前晚她與一班朋友吃火鍋慶祝，並順道提早慶祝除夕。Mandy興奮表示對出售的價錢十分滿意，現時還有幾間電視台對其節目有興趣，正洽談中。問她會否再添食時？她說：「想再拍旅遊節目，因為我鍾意去旅行，工作順便娛樂，希望可以去南美洲，因為未去過。」她笑言希望可以藉此賺夠錢購買Dream House：「我已經有目標，就係一間三千呎兩層高嘅獨立屋，可以望到海景，仲有花園。」
談到2013年大計，Mandy稱除了模特兒工作外，有意向主持及電影界發展，至於愛情，她無奈說：「我都想積極啲，不過好難，要隨緣。（擺桃花陣？）呢行一定要有桃花，其實今年都去咗好多地方識咗好多新朋友，可惜全部都冇火花。」