陳嘉桓泰開胃 嚇呆細佬
藝人陳嘉桓忙足一年，早前趁有空檔便與弟弟到泰國暢遊一番。她表示在當地由朝吃到晚，大飽口福之餘卻發現暴脹不少，回港需積極修身減磅迎接2013年的新工作。
嘉桓雖然到過泰國多次，但每次都是有工作在身，行程緊密未有真正享受當地的夜市和美食，今次終於可以盡情享受一番。嘉桓坦言喜歡當地的食品，當中包括海南雞飯、杧果糯米飯、魚蛋粉等，她說：「當地消費好便宜，我真係由起身到夜晚再到消夜都係食，最勁可以一餐食兩個海南雞飯，嚇到我細佬目定口呆，雖然係大飽口福，但因而發現肥咗五磅，真係有咁耐風流有咁耐折墮。」
狂掃皮褸
嘉桓曾出過泰國旅遊書，此行亦充當導遊帶細佬四圍去。她坦言最大收穫是逛了不少夜市，搜羅到不少飾物和服裝，她說：「當地好多人手造的小飾物，價錢便宜手工精細，我都買咗好多返香港送畀朋友，亦有部分留番自己mix and match襯衫。我仲買咗好多皮褸返嚟，個店員都好奇怪問我香港係咪真係咁凍。」
問到此行有否艷遇？她表示與弟弟經過夜店時，亦有當地人上前以英文問她可否給他們拍照，她說：「原來佢話我個笑容好靚，想影低留念，但可能我成日翹住細佬一齊行，佢哋仲以為細佬係我男朋友。」回港後，嘉桓便要收拾心情展開2013年的工作，宣傳微電影外亦要準備電視劇的開拍。
文：影視組