張苡澂拒演「姦」角嬲爆即走
藝人張苡澂（Venus）日前為新碟拍攝宣傳照，身穿泳衣加皮褸的她性感上陣，其老公亦現身支持。
Venus直言不介意性感打扮示人：「因為之後同老公想生個女，生完之後身體可能會有變化，所以依家有得性感就影咗先！」她又爆老公見到其打扮後都「唉呀」一聲：「佢話『唉呀，算啦！』咁，佢都冇計，佢知我鍾意做呢行！」
Venus並言其性感底線是三點不露：「我前排去試戲，開頭話係做醫生之類角色，點知去到係想我做要除晒衫被強姦嘅角色，我嬲到即刻走！（留意女藝人Naomi報警指試戲被非禮？）我就係同一套戲，同Naomi係同一日，不過見唔到佢！」