林峯始終要走 陳豪拒接收粉絲

林峯、組合Girls Kingdom、Super Girls等昨日出席活動時，提到有傳林峯退出娛樂圈，他坦言自己接受專訪時亦曾說過終有一天會幫父親打理生意，因自己是長子，要盡這個責任，但他說：「手頭上仲有工作，所以唔會係短期內嘅事。」

他認為可能因他失落視帝，所以才把他引退的事扯在一起，他說：「有獎當然好，但我唔會因得唔到視帝而失落。（有傳你想攞尾彩攞勁歌男歌星獎？）報道好有創作力，我一向對獎項唔係好渴求。」至於被影到夜蒲及有金髮女埋身，他表示當晚是跟同事和音樂團隊談演唱會的事宜，金髮女只是朋友的朋友。

另外，有指他推劇，林峯澄清：「冇收到要接嗰套劇，未到最後一刻都唔知。（唔肯剃頭？）自己有宣傳，要同廣告商交代。」

Girls Kingdom的蔡恩真跳勁舞，大騷事業線。	陳豪與現場觀眾玩遊戲，氣氛熱鬧。	薛家燕率領新組合Honey Bees出席活動。

薛家燕高呼咪退出

而陳豪出席另一活動，提到有關林峯退出的傳聞，他笑言：「吓！又退出？佢之前講過，咁佢啲粉絲點算呀？（接收佢啲粉絲？）我承受唔起喎。（傳佢推劇？）其實佢喺呢個圈好活躍，希望唔好咁快有退出心態，大把機會，要珍惜。（因失落視帝？）其實都唔係咁大件事，今年唔得咪出年，睇開啲啦。」

而薛家燕於另一活動中亦大叫林峯別退出，讚他靚仔又能歌擅舞，遲早攞視帝。

文：影視組