呂方拖女開餐o趙完鬆

歌手呂方前晚被拍到與一名女性友人在中環Soho區食晚飯，期間言談甚歡，用膳後面紅紅的呂方以私家車載女友人，不過他發現被追訪，結果到銅鑼灣後放下女友人便揸車鬆人。昨日呂方在電話訪問中澄清說：「佢係我投資顧問，尋晚傾啲投資策略問題，（但點解你見到記者就避？）本來諗住盡吓男士風度車佢返屋企，但見到有人偷影怕佢會驚，始終佢係圈外人，所以放佢落車先，喺度想同佢講聲sorry。其實如我真係拍拖，怕咩認吖！」他又強調沒酒駕，也有遵守交通規則，他又自爆現時單身，但暫只想努力工作準備明年廣州演唱會。