關智斌牛一 軒仔隔空傳情

Kenny前晚在Instagram上載一張只見他下半臉的蛋糕相預祝昨日的牛一，獲逾百fans留言祝福，而其傳了多年的緋聞密友張敬軒則在差不多時間，在個人的Instagram留言「You are going to be GREAT. KEEP GOING（愈嚟愈好）」，還附上卡通蛋糕，似向Kenny「傳情」。軒仔的fans即附和祝Kenny生日快樂，還有人笑他們「原本（來）你哋真係一齊，點都好，祝福你哋」、「真有愛」、「甜到牙痛」等。

自爆講心唔講金

Kenny昨受訪時解釋：「個蛋糕係電影劇組送o架，雖然今日（即昨日）臨時唔使開工，同咗家人飲茶，但冇約軒仔喎，我見到佢都會追佢攞生日禮物，仲要佢請我食好貴嘅日本菜。」談及軒仔fans笑他們好sweet？Kenny則稱：「諗多咗，『真有愛』係話我哋『真友愛』咋。」軒仔亦同樣以「諗多咗」回應緋聞，不過問到為何沒送禮物給Kenny時，軒仔就口快快說：「我哋講心唔講金。」自爆已祝好友身體健康及於影壇有更好發展。有謂他與Kenny廣獲fans接受，他直認：「係呀，有fans仲叫我哋組新組合，不過好難囉，因為佢係實力派，我係偶像派。」

開口恨真命天子

至於前日生日的JM在微博大晒全女班慶生照，餐廳內擺滿她最愛的氣球，屬「鞋癡」的她更收到高踭鞋形蛋糕，問其生日願望時，她表示過去一年曾遇不快事，望新一年開心及事事順利，還爆響口說：「睇吓2013年會唔會有個真命天子出現！」

文：音樂組