還有兩日就到新年，一眾荷里活名人紅星紛出埠度假迎2013年。其中剛宣布再度有喜的著名女歌手Jessica Simpson繼續與家人在夏威夷度假。前日Jessica就素顏自拍晒身材，可惜卻被網友批評唔掂！
Jessica可能信心爆棚過頭，戴上牛仔帽及身穿闊身衫的她素顏拍照，並留言表示在陽光下享樂，照片中她雖然尚未見肚，但就偏偏露出單邊岩石胸騷長腿「益」fans，但可惜網友「唔領情」留言批評。有網友說：「真係唔明白佢點解要露胸，佢個胸仲dump過啲八十歲阿婆，完全唔覺得有吸引力！」有網友亦直指唔想睇，更形容她擁有一對「肥波」。
而Jessica的過氣歌手妹妹Ashlee Simpson大前日就被影到與兒子Bronx、母親Tina及未來姐夫Eric Johnson在沙灘玩，卻唔見Jessica。不過Eric被影到一邊抱囡囡Maxwell邊咬住奶嘴，認真唔合衞生！另外，Jessica前夫Nick Lachey的老婆Vanessa大前日就上載抱B仔Camden在家中睇落雪的溫馨照片。
除了Jessica之外，連日來與未婚夫Justin Theroux在墨西哥度假的珍妮花安妮絲頓（Jennifer Aniston）前日再被影到在當地三點式曬太陽。性感視星蘇菲亞維嘉娜（Sofia Vergara）前日亦與家人在邁阿密度假迎新年，而艾斯頓古查（Ashton Kutcher）與女友美娜古妮絲（Mila Kunis）同日被fans影到往芝加哥食晏。
此外，英國巨胸模特兒Jodie Marsh就繼續在巴巴多斯狂自拍上網「晒波」。至於同樣連日來與富豪男友Arnaud Mimran及兒子在邁阿密度假的巴拉圭模特兒Claudia Galanti前日繼續在沙灘大演「真人騷」，期間Claudia就與男友同睡在沙灘椅上，她更拗腰躺着，絕對是高難度！
文：外娛組