祖兒預玩戀情 肉嘴獎師兄
新城頒獎禮明玩「龍兒戀」，容祖兒和劉浩龍（師兄）不但首度同台領獎，還與師兄的舊愛鄭融排排企，難得祖兒表現大方，更默認會錫錫男友做獎勵！反觀鍾欣桐（阿嬌）則繼續保護剛萌芽的戀情，只代泡菜男友向大家打個招呼。
一眾英皇歌手於前晚的新城勁爆頒獎禮中橫掃24獎，成績驕人，不過容祖兒和劉浩龍的「龍兒戀」甫開場就慘被擺上枱，兩人不但被安排同台領獎，師兄舊愛鄭融亦被安排與祖兒並列，難得祖兒大方地跟鄭融在台上雞啄唔斷。不過，師兄避走慶功宴，獨自面對傳媒的祖兒坦言預咗被玩：「比想像中易接受，以往玩得再大膽啲頑皮啲，今次OK吖。（事前要求唔准玩？）冇，相信佢哋聽到我之前嘅呼籲，大家都高抬貴手。」
追問戀情甜笑求饒
祖兒又讚鄭融的《漸漸》好聽，問到可有恭喜男友得獎兼事業終起飛？她大方說：「恭喜啦，希望佢繼續努力。」當提議她「錫錫」男友做獎勵時，祖兒笑住點頭，再追問會怎樣和師兄慶祝時，她求饒說：「我覺得今日大家都對我好好，不如由頭好到落尾啦！」
阿嬌代男友打招呼
同樣蜜運中的阿嬌日前就被拍到與泡菜男友K先生拖手漫步韓國，不過阿嬌為保護男友不願多談，問到男友是否叫Kwon和身任製片人時，她扮傻回應：「唔知，唔係，不過佢叫我同大家say hello。」有指兩人已到見家長？在旁的阿Sa即代為否認：「阿嬌家長喺香港。」阿嬌亦否認說：「冇，我哋啱啱拍拖。（之前去北京預支蜜月？）大家分開做嘢啫。」她又指男友沒投訴被偷拍，更自爆只有經理人Mani打給她：「佢話我冇畀人影到撩鼻屎，OK啦。」
文：音樂組