董敏莉插小器慶幸約滿
藝人董敏莉（Monie）9月為亞視主持外判節目《娛樂CIA》，性格直率的她在節目公然直指亞視「冇收視」，有傳因辣慶高層王征被亞視封殺，更臨時抽起她有份參與的節目，對此，她曾鬧爆亞視小器。
昨日Monie到電台宣傳時，自爆上月已約滿亞視，對於舊東家近日下令旗下藝人上堂，她繼續狂插亞視：「佢哋最近做好多嘢都『奇特』，好彩之前冇叫我去上堂，亦慶幸已經完咗約！」她指開設課程原意是好，但導師與學生資歷相若，就會好尷尬。覺得「星」級導師唔夠班？她說：「亞視其實臥虎藏龍，只係冇機會發揮。（覺得王征騎呢？）唔識佢，但係我接受唔到我老闆跳騎馬舞！」