鍾蕙芝狂歡「忘Dry」
o靚模鍾蕙芝（Lavina）為慶祝聖誕學整甜品，非常投入。最後完成數件心太軟及兩個蛋糕，切開心太軟時，更有朱古力流心，導師Angela亦讚她有天分！
單身Lavina透露會相約好友開Party整嘢食，一於狂歡「忘Dry」，問到以往曾否下廚冧男友？她說：「都會！中學時第一次整愛心蛋包飯畀男友，唔小心整穿咗窿，惟有狂加茄汁遮住，又試過跌廁紙入煲，拎番走咪繼續煮囉！」看來其廚藝認真「嚇人」，但她笑言可能下任男友愛吃「難食嘢」，問到是否恨拍拖？她說：「想結婚添呀！下個月家姐結婚，我好羨慕！不過我邊有咁快。」
場地：天使烘焙材料專門店