亞視推行藝訓班後，更要求藝員簽「演藝訓練計劃同意書」，黃國桐律師對此表示質疑：「如果喺僱傭合約有提到之前需接受培訓，咁點解仲要簽一份同意書？」他坦言藝人有權不簽。提到開課時除有保安戒備外，更在場內錄影及要求學員打卡，黃律師認為這些措施無太大問題，唯獨交出電話卻有商榷之處：「主辦方最多都係要求學員調校震機、熄機，無權要求交電話，即使法院都冇權咁做。」
至於要求藝人對課程保密，若洩漏內容會有甚麼後果？黃律師說：「如果係洩露筆記就會造成侵犯版權，若只係口頭洩露只係講出個意思，冇太大問題！」有藝人在課堂上拍照，他表示：「對方唔尊重講者，可大條道理對他即時解約。」