周柏豪事業起飛攻紅館
剛與華納續了新約的周柏豪新碟反應理想，一連3場九展演唱會又告爆滿，他直認事業躍進：「都幾滿意今年成績，覺得自己好犀利，做到自己最想做嘅嘢！」下一站他會朝着紅館為進發目標，更希望到世界各地巡唱。今年事業為他帶來豐厚收入，單是續約酬金他承認足以讓他置業，但樓巿不穩，暫時將錢投資黃金：「我買咗一舊舊金磚，（擺喺銀行保險箱？）擺咗喺一個好隱蔽、安全嘅地方。」對投資有些研究的他說：「將來我想買間千萬豪宅同屋企人一齊住，希望一年比一年好。」
感情方面，柏豪坦言以前婆婆經常催婚，但婆婆病逝後，結婚壓力也沒有了：「我都大個仔，都想成家立室，唔想再嘥時間拍散拖，但想打穩經濟基礎先。」他的圈外緋聞女友是否他的結婚對象？柏豪笑言跟對方是非常好的朋友。