王馨平中女戰士跳甩褲

王馨平（Linda）前晚舉行音樂會，黎瑞恩、傅明憲與周慧敏等一代玉女雲集，齊齊賀好姊妹歸位開騷。傅明憲男友莊家彬、舅父曾江、趙式芝與另一半楊如芯（Sean）等亦有到場支持。Linda老公Stephen整晚滿場飛為老婆打點一切，而舊愛鄭嘉穎則送上紫色花籃贈興，被安排放在當眼處之餘，體積更是眾花籃之冠！

父女情升呢

Linda以一身密實「閃膊」裝揭開序幕，甫出場不久，她已忍不住哽咽說：「綵排時見到啲櫈已感動到想喊。」她更由頭喊到尾，尤其剖白與王羽的一段父女情時，她變大喊包說：「爸爸係個好嚴格嘅舊派男人，但其實我都好反叛。細個佢唔畀男仔打電話畀我，咁咪我打去囉！」直至上年父親中風入院後，二人關係更「升呢」，愈見親密。

Linda開騷由頭喊到尾。

鄭嘉穎非常有心，送上紫色大花籃贈興。

Linda即場邀請黎瑞恩上台合唱外，又拖周慧敏組成「中女戰士」，首次同台大唱《美少女戰士》，並賣「萌」扮美少女變身，成全晚高潮！

Linda拖周慧敏跳唱《美少女戰士》。	黎諾懿拖女友（前左）睇騷。	舅父曾江（右二）與太太焦姣（右一）及蔣麗萍夫婦（左一及二）到場支持Linda。

Encore開胸

已年過四十歲的她們打趣說：「我哋到咗呢個年紀，都冇咩包袱。但係觀眾頂唔頂得順？」High爆的Linda一輪勁舞後，因瘦一個碼而險甩褲，她隨即匿在工作人員身後整理。Encore環節，她換上一套開胸緊身長裙，「峰」韻猶存！

騷後，她表示積極訓練自己邊喊邊唱歌而不走音，問到見到嘉穎的花籃？她說：「唔知，依家忙完會搵佢，我仲欠佢一餐飯！」

文：音樂組　

攝：沈健程