羅敏莊冇投老公票
剛為人母的羅敏莊（Mimi）前晚和老公陳國邦夫妻檔出席活動，他們更帶同只有個幾月大的囡囡陳禛到場，一家三口場面溫馨。現場所見，Mimi極速收身，她表示由最肥的148磅，成功減至現在的119磅，她笑言：「公司安排工作我就會復出，唔知係咪我生咗，公司已經當我係師奶，下個月我會做《都市閒情》。」
老公陳國邦雖然落敗《萬千星輝頒獎典禮2012》「最佳男配角」，Mimi永遠撐老公說：「佢依家已經好lucky，有咁多人讚佢。不過攞獎好靠運，今次係同事投票，又唔知佢平時同同事嘅關係點，所以天時地利人和好重要。」但Mimi就表示正放產假，沒有特意回公司投老公一票。