關淑怡提志偉 畀仔鬧Shut Up

闊別紅館5年的關淑怡將在明年2月2日開始，一連兩場舉行「Philip Stein presents Your Favorite Shirley演唱會」。

阿倫叫重新做人

以一身金光閃閃打扮現身昨日演唱會記招的Shirley，表示除會獻唱經曲金曲外，更遠赴俄羅斯邀請舞蹈員參與表演。近年備受負面新聞困擾的Shirley坦言︰「外界成日有傳聞話我懶、失場同失蹤，我就係要話畀大家聽我係一個專業嘅歌手，唔止識響YouTube唱歌。」

而譚詠麟（阿倫）和周慧敏就以嘉賓身份到場為Shirley打氣，令Shirley大感驚喜，更表示：「你哋話有驚喜，我仲以為係曾志偉。」阿倫更對Shirley笑言：「志偉成日飲醉酒後就拎住你個仔幅相，周圍問人同佢似唔似樣。」Shirley說：「我試過見到志偉上電視，然後就指住電視同個仔講『啲記者哥哥話呢個係你爸爸。』點知我個仔即刻講『shut up, is not true.』。」又稱其實兒子亦見過志偉。

阿倫又稱剪了新髮型，希望寓意Shirley重新做人，更表示要送她一巴掌，因他仍對Shirley早前在網上發表有尋死念頭的留言氣上心頭，指她的留言令關心她的人擔心。

絕冇獅子開大口

被種種不利傳聞困擾了十多年的她，在台上澄清以往接騷絕對沒有獅子開大口，傳志偉是她兒子的父親更加是荒謬。

文：音樂組