張兆輝惡教官預告有肉睇
張兆輝與岑麗香昨以醒目飛虎隊造型現身新劇記招，張兆輝更笑言劇中一定會有赤裸場面：「到時一定會有肉睇！」而香香就表示劇中不會有性感造型，讓一眾宅男轉轉口味！
藝人張兆輝、岑麗香、陳煒、謝天華和徐子珊等昨日出席新劇《神槍狙擊2013》記者會，一身全黑制服打扮的張兆輝表示在劇中是一個嚴厲的飛虎隊教官，人緣好差，但會與周海媚有感情線，他說：「之前拍電影都同佢做過夫妻，所以唔陌生！」問到有否特意為角色操fit自己，他搞笑謂：「一向有做運動嘅！（唔怕赤裸場面？）我都有啲波浪o架！平時睇唔到，要摸先知！同埋咁多飛虎隊成員，到時一定會有肉睇，可能會有啲更衣室沖涼戲！放心！」
陳煒性感大家姐
宅男女神香香在記者會開始時，以聖誕樹搞鬼造型出場，非常得意。香香表示在戲中會一反以往形象，演個男仔頭性格的飛虎隊狙擊手，她指為了令自己投入角色，平時都會穿軍褸、軍靴等服飾，她更笑言：「監製叫我唔好笑咁多！」當記者笑問會否有水中濕身捉賊的場面時，香香即搞笑求饒：「唔好寫呀！一陣佢哋真係加呢場戲！」她續說：「一向都唔係性感，亦唔覺得自己係女神！」
陳煒就透露角色是大家姐，而且身邊不乏男伴，在戲中更會有不少性感打扮！
文：影視組