許亦妮演戲唔怕醜
2011年港姐季軍許亦妮（Whitney）自當選後機會不斷，除擔任綜藝及大型節目主持外，最近亦有幸拍劇《老表，你好嘢！》扮大小姐，不過這位「最上鏡小姐」與眾不同，曾多番於節目如《玩轉三周1/2》中扮鬼扮馬，她自言樂於扮醜、無懼被定型：「拍三周半嗰時去到化妝間先知要整鬍鬚，但我覺得幾得意，以前已經想做醜角，因為演藝工作先做到平時唔可能發生嘅嘢，反而唔想成日扮靚女，我想做鄰家女孩或好慘嘅角色。」
作為新人吃點苦頭在所難免，曾被綜藝節目監製鬧到想喊的她卻感激對方：「當時佢好激動咁話『我鬧你因為唔想人哋覺得你唔得，你唔係唔得，所以你做唔到我好唔開心』，不過我覺得佢鬧得好啱都冇嬲佢，之後出嚟效果好好，個個都讚，重令我以後對工作認真好多。」喜歡拍戲的Whitney表示最想跟周潤發及苗僑偉合作，更盼望將來可做打女，最欣賞的則是內地演員范冰冰。
場地：Coyote Bar & Grill
髮型：HAIR @Charles Ng