小肥重投Paco關係升呢
今年簽新公司的小肥再度與恩師黃柏高（Paco）重逢搞音樂，他直言與對方合作感覺既興奮又開心，坦言兩人早已超越主僕關係，感激對方知遇之恩外，不忙感謝舊公司的栽培，強調與舊公司不是不歡而散。
歌手小肥2007年被黃柏高由澳門帶來香港樂壇，憑靚聲甫出道已唱到街知巷聞，可惜4年後Paco離開，兩人不再是戰友，但小肥強調當時經常與對方食飯談天，兩人關係早已由主僕升呢至朋友，今年小肥重投這位知己的懷抱，加盟對方的公司，對此再次合作，他直言非常開心︰「我同佢關係好深，經常食飯，唔係講公事都可以互相分享，大家係互相尊重！」
踩過界拍戲
記起當時Paco離開，小肥曾說「佢去到邊都跟住佢」，現在兩人又走在一起，對於是否早有預謀？他澄清表示︰「嗰時的確好大膽咁講，但當然唔係有預謀啦！舊公司當時有大變動，但對我依然好好同好尊重我，冇難捱冇難受，只係我問題，成日交唔到歌畀佢哋。」不過，他坦言Paco離開時起初有點不慣：「係有依依不捨，當然有唔慣，但其他同事都仲喺度，而且對我好好。」
談到現時工作，小肥正為新片《逃出生天》拍攝，對於能在這套災難片中與古天樂及劉青雲合作，他直言獲益良多，並更加愛上演戲，但他強調不會放棄最愛的音樂，他說︰「如果要音樂同電影二揀一，我會揀音樂，因為係自己最有信心嘅，拍戲就當成一種興趣。」
文︰專案組
攝︰吳文聰
場地︰VEGAS 360