模特兒楊汀叮昨日為甜品店開張擔任剪綵嘉賓，自爆小時候試過煮糖水而搞到差點火燭，她笑言：「個煲着晒火，自此好驚煮中式甜品，有陰影，所以改為整西式甜品。」問到有沒有這家甜品店的股份？汀叮謂：「冇呀，老闆畀1%我都好。」又坦言有興趣做甜品生意，今次算是偷師。
此外，她表示剛為微電影《預見》錄主題曲，並順利地於兩個小時內完成，「錄嘅時候發生小插曲，嗰度嘅燈爆咗，要用兩盞燈射住歌詞，畀佢哋笑我似周慧敏，原來佢錄音鍾意熄燈。」並想以周慧敏的玉女歌手形象為目標。
