賈曉晨自爆同居壓力大
【鄺蔚霆澳門直擊】蔡卓妍（阿Sa）與鄭伊健前晚一起到澳門出席電影《我老婆唔夠秤2我老公唔生性》首映，阿Sa笑指與鄭伊健很難相處，問到二人與另一半相處有否鬧交？阿Sa說：「如果搵到Mr.Right有問題都係無問題，會互相遷就對方。」伊健則說：「拍拖咁耐都無問題。」
而同場的賈曉晨（JJ）被問到是否與男友樊少皇到了同居階段？她說：「佢每次返香港都會住喺我屋企，不過佢好少嚟，唔知咁算唔算。不過我哋在生活習慣上仍未好了解，平時只靠電話聯絡，間中只見一次，咁大個女第一次咁公開拍拖，發覺好唔自在、好大壓力，唔知點算，有啲不知所措。」
否認怒罵記者
問到是否後悔與樊少皇拍拖？JJ說：「無，不過呢段感情好崎嶇，第一次咁崎嶇。自己要調節心情。」對於早前被撞破在港拍拖被指怒罵記者，她否認說：「我叫佢唔好衝出馬路，佢又話唔係記者，我以為佢係瘋狂Fans，我係驚唔係黑面。」