鄧紫棋攝青減腩
歌手鄧紫棋（G.E.M.）天生愛食，幾年前曾被嘲諷為「肥G.E.M.」，但近年她成功修身，長期保持24吋纖腰，皮膚又白又滑，G.E.M.公開其修身大法，就是連續7天飲五青汁及以蔬果代餐，她笑言代價是經常要上廁所，但為了靚就總要付出！
G.E.M.近半年驛馬星動，不停穿梭內地各省市舉行音樂會及宣傳新歌，不過她無論如何忙碌，都堅持做運動保持體態，她說：「自從上次開演唱會後，我嘅健身教練幫我減肥成功，我就愛上做運動，但原來齋做運動係唔夠o架，仲要飲五青汁同食蔬果餐先至減（肥）得快。」日前G.E.M.就親身示範炮製五青汁，只要將苦瓜、青瓜、蘋果、青椒及西芹，先切碎再榨汁便可，每天飲兩次，在連續7天下，攝取了五青汁精華，再加上以生果代正餐就可助排毒，輕易減去惱人的肚腩。
配合運動
問G.E.M.可會難飲？她說：「唔會太難飲，因為啲蔬菜都有甜味，初時係唔慣啲青澀味，但飲慣咗就覺得好清新，最開心係生果可以任食，一啲都唔使忍口，如果真係好口痕，都可以食少少梳打餅嘅。」不過G.E.M.進行此減肥餐時，都要配合適量的運動，才可達致理想效果。
文：音樂組