阿倫鋪路轉行助囝囝打天下
身為樂壇校長的譚詠麟（阿倫）前晚現身紅館，親向樂壇教父顧嘉煇致敬，阿倫現身即成全場高潮；而他現身演唱會前出席活動時更自爆多唱兩、三年便轉行，全力幫兒子創業打天下。
一連６場的「顧嘉煇大師經典演唱會」前晚已踏入第５場，繼有天王天后張學友及葉蒨文相繼助陣，前晚就連阿倫亦專程撐場，演唱煇哥當年寫給他的經典金曲《誰可改變》，阿倫謂：「就算呢個世界點樣變，煇哥喺華人樂壇嘅地位，喺觀眾及所有華人心目中地位都唔會變。」阿倫的出現令全場觀眾為之興奮，紛紛跑到台邊爭相與阿倫握手。
葉麗儀賺六位數
至於每晚有份獻唱的歌手林子祥（阿Lam）、葉麗儀和仙杜拉等亦不時講笑搞氣氛，Kay（謝安琪）指阿Lam每晚的台詞也不同「很難接」，阿Lam抵死說：「你『接』到我『吻』就得喇！」隨即向Kay臉上獻吻。葉麗儀則自爆去年收到一張６位數的大支票，因內地很多人下載《上海灘》的鈴聲，令她大進帳。
煇哥前晚全程在台下欣賞演出，好友前無綫總經理羅仲炳及女伴吳杏倫、馮寶寶等捧場。另外，昨晚最後一場請來陳奕迅（Eason）任特別嘉賓，疑因太太徐濠縈（阿徐）近日惹上與黃浩的是非，昨晚Eason到達紅館快閃入後台，避開傳媒；阿徐則未受傳聞困擾，在微博及instagram不時上載美食圖片，胃口不錯。
冇興趣子承父業
阿倫演唱會前先出席願望成真基金活動，現場有兩名學生彈鋼琴，阿倫稱兒子曉風亦考獲演奏級水準，並笑言：「做多兩、三年我就轉行幫佢創業啦！（有指曉風簽咗環球做歌手？）嘥氣，係環球想啫，佢根本冇興趣做幕前。」提到無綫提議搞四合一頒獎禮，阿倫稱一向贊成，但認為很難成事。
文：音樂組