志偉挑釁王維基︰打到你飛起

藝人曾志偉昨日為《歡樂滿東華》綵排，問到為何今年甚少高難度表演？志偉笑言：「要留力對付王維基！」為粵劇表演「六國大封相」練習時，志偉更發揮搞笑本色，自行加上對白，笑鬧王維基：「你個仆！」又謂：「王維基！我打到你飛起！」令全場爆笑！

提到王維基每月燒錢一百八十萬時，志偉就表示：「日日燒錢梗係癲啦！不過係宣傳手法嚟嘅，至少好有noise！」但鬧完人之後又支持發牌，卻自打嘴巴謂：「發牌會製造良性競爭！」

廖碧兒舔面

曾志偉兒子曾國祥就和父親大唱反調，繼為香港電視造勢後，又在微博公開支持發牌，即使被網友爆鬧是吃TVB奶大，他仍非常堅持，還表示發牌會是個雙贏局面。

王維基	曾國祥與父親曾志偉大唱反調，公開支持發電視牌。

另一邊廂，香港電視一哥一姐黃日華和張可頤在電台訪問中，就繼續力撐公司。此外，廖碧兒和蘇永康在香港電視電視劇中有重口味舔面鏡頭之餘，還傳出緋聞，在接受訪問時廖碧兒就矢口否認戀情：「同佢先拍咗10幾日，都唔知點解會傳！」

湯怡驚華哥

另外，英皇藝人湯怡、詩雅及陳家樂前晚出席「香港電視網絡有限公司」（簡稱香港電視）試映會活動，湯怡指自己已為香港電視拍攝了兩齣電視劇，其中一齣跟前輩黃日華和李璨琛合作，湯怡自爆瘀事：「同華哥合作好開心，但聽聞佢工作好認真同好火爆，所以我覺得好驚，點知導演將呢番話講番畀華哥聽，華哥走嚟問我，搞到我『(火羅)』到爆。」　　

文：影視組