伊健思想新派汽水蓋求婚

鄭伊健昨日與台灣音樂才子周杰倫女友昆凌，一同出席周大福澳門金沙城新店及FOREVERMARK概念店開幕禮，同場還展出全球首個FOREVERMARK男士鑽飾系列。

豪自己十幾萬買條鏈

其中伊健甫出場即被再追問婚期，他即耍太極說：「咪講咗出年囉，出年先問啦！（咁求婚戒指幾多卡？）唔係講卡嘅，點解求婚一定要鑽戒？汽水蓋都可以，我哋係新派思想，而且咁永恒嘅嘢應該只送一次，我都希望有人送鑽石畀我，呢個係我願望！」

伊健與昆凌細心觀賞珠寶首飾。

左起：FOREVERMARK銷售及營運總監Lavin Lam、昆凌、鄭伊健與周大福執行董事孫志強合照。

伊健又自爆曾買了一條六位數字的鏈送給自己，他說：「我鍾意研究吓，同埋嗰陣本來想買架跑車，最後冇買到，咪買番粒十幾萬嘅鑽石畀自己，我諗依家都升咗值。」至於聖誕節他則會留港休息，笑言自從沒參與音樂頒獎禮後，聖誕都會開派對。

昆凌爆周杰倫冇送鑽石

而昆凌則表示首次來澳門，但未有時間觀光。問到有否買鑽石？她說：「冇買過，父母有送。（周杰倫有冇送？）冇。」她透露將到美國修讀一個短期戲劇導演課程，而近日在台灣忙於宣傳的周杰倫亦十分支持，笑言不怕兩地分隔。